England won the series by defeating Pakistan Won't even try to win away! Pakistan's batting flopped badly

 جیت تو دور جیت کی کوشش بھی نہیں کی! پاکستان کی بیٹنگ بری طرح فلاپ۔۔ انگلینڈ نے پاکستان کو شکست دے کر سیریز اپنے نام کر لی

انگلینڈ نے پاکستان کو آخری اور فیصلہ کن ٹی ٹوئنٹی میچ میں شکست دے کر سیریز جیت لی۔  مہمان ٹیم نے آخری میچ میں 67 رنز کے بھاری مارجن سے قومی ٹیم کو شکست دے کر سیریز میں 3-4 سے کامیابی حاصل کی۔ واضح رہے کہ پاکستان کو پہلی مرتبہ ٹی ٹوئنٹی فارمیٹ میں ہوم گراؤنڈز پر شکست کا سامنا کرنا پڑا ہے۔ قذافی اسٹیڈیم میں کھیلے جارہے سیریز کے فیصلہ کن میچ میں انگلینڈ نے پاکستان کو جیت کے لیے 210 رنز کا ہدف دیا تھا۔

انگلینڈ کی ٹیم نے پہلے بیٹنگ کرتے ہوئے مقررہ 20 اوورز میں 3 وکٹوں کے نقصان پر 209 رنز بنائے۔  قذافی اسٹیڈیم لاہور میں کھیلے جارہے اس میچ میں قومی ٹیم کے کپتان بابر اعظم نے ٹاس جیت کر انگلینڈ کو پہلے بیٹنگ کی دعوت دی۔  انگلینڈ کی جانب سے ایک مرتبہ پھر ایلکس ہیلز اور فل سالٹ نے ٹیم کو پراعتماد آغاز فراہم کیا۔  دونوں کے درمیان 39 رنز کی پارٹنر شپ بنی جسے محمد حسنین نے ہیلز کو ایل بی ڈبلیو آؤٹ کرکے توڑا۔

ایک گیند بعد گزشتہ میچ کے ہیرو فل سالٹ رن آؤٹ ہوگئے اور انگلینڈ کی ٹٰم 39 پر ہی دونوں اوپنرز سے محروم ہوگئی تھی۔  ایسے میں ڈاؤڈ ملان کا ساتھ نوجوان بلے باز بین ڈکِٹ نے دیا، دونوں کے درمیان 62 رنز کی زبردست پارٹنر شپ بنی۔ تاہم دسویں اوور کی پانچویں گیند پر محمد رضوان نے ناقابلِ یقین رن آؤٹ کرکے بین ڈکٹ کو پویلین لوٹا دیا، انہوں نے 30 رنز بنائے تھے۔ اس کے بعد چوتھی وکٹ پر ڈاؤڈ ملان اور ہیری بروک سیہ پلائی دیوار بن گئے، دونوں نے ناقابلِ شکست 108 رنز کی پارٹنر شپ بنا کر ٹیم کا اسکور 209 رنز تک پہنچاڈالا۔

واضح رہے کہ خراب فیلڈنگ کی وجہ سے انگلینڈ کے بلے بازوں کو ایک نہیں بلکہ کیچ چھوٹنے کی وجہ سے تین مزید مواقع ملے جن کا انہوں نے بڑا اسکور بنانے کے لیے بھرپور فائدہ اٹھایا۔  تین میں سے انگلینڈ کے دو کھلاڑی رن آؤٹ ہوئے جبکہ محمد حسنین وکٹ لینے والے واحد بولرز تھے۔  ان کے علاوہ حارث رؤف وکٹ تو نہ لے سکے لیکن 4 اوورز میں صرف 24 رنز دے کر قابلِ ذکر بولر رہے۔ دونوں ٹیموں کے درمیان سیریز 3-3 سے برابر ہے، آج کے میچ کی فاتح ٹیم ٹرافی کی حقدار ہوگی۔

ٹاس کے موقع پر گفتگو کرتے ہوئے پاکستانی کپتان بابر اعظم نے کہا کہ اپنے کراؤڈ کے سامنے کھیلنا اچھا لگتا ہے، یہ کافی عرصے سے اس سیریز کا انتظار کر رہے تھے اور اہم یہ جیتنا چاہتے ہیں۔ انگلینڈ کے کپتان معین علی کا کہنا تھا کہ وہ اگر ٹاس جیت جاتے تو پہلے بولنگ ہی کرتے۔ انہوں نے کہا کہ وہ آسٹریلیا میں ورلڈکپ کے اس میچ میں مارک ووڈ کو کھلانے کا رسک نہیں لیا۔  آخری ٹی ٹوئنٹی مقابلے کے لیے پاکستان کرکٹ ٹیم میں 4 تبدیلیاں کی گئی ہیں جہاں محمد رضوان، خوشدل شاہ، حارث رؤف اور محمد حسنین کی فائنل الیون میں واپسی ہوئی۔